قصيدتي الموسوية ( الله العليم ابحالي )

أبيات كتبتها في حقِ مولاي باب الحوائج الإمام الكاظم ووضعت رُوحي في بيتِه ومع أصحابه وأحبابه في خيالي وهم يترقبون وبالتالي يشيعون سيدي ومولاي باب الحوائج

عظم الله لك الأجر يارسول الله
عظم الله لك الأجر يا أمير المؤمنين يا علي
عظم الله لكِ الأجر سيدتي ومولاي يا فاطمة الزهراء
عظم الله لك لكم الأجر يا آل بيت رسول الله
عظم الله لك الأجر يا مولاي يا صاحب العصر والزمان أيها المنتظر الغائب

الله العَلِيم ابحَالي
كِلما أَذِكرَه اقبالي
كِل لحَظَة يِترَاوَالِي
ابقِيده سَجِين العِدوَان

رَافِع اعْيُونه او يِبــﭽـــي
اودَمعَاتِه عالخد تجري
وِاﭼفوفه للَّه تِدعِي
يَا خَالِقِي يَارَحْمَن

شُوف اشجَرَى امنِ الطَاغِي
آذانِي اوخَلانِي
ابِسِجنَه الدَّعِي اورَاوَانِي
أَصنَاف القَهَر وِالحِرمَان

اوغَابتْ اعلُومَه الغَالِي
في سِردَاب ذَاك البَاغِي
والنَّاس صَارَت تِدعِي
و تِنتظُر نُور الوَالِي

والله انفطَر دَلالِي
يقلُلون يمتى يلفي
وبشوفته نستكفي
ويُنور بِيه الوادي

وصَارَت تحُوم أَصحَابه
وصَارَت تِلُوذ ابابه
واتزُورَه اوتِنخَا بِه
يَبن النَّبي جَاوِبنه

يَمْتَى تِجِي اتعُود إِلنه
اوتِفتح اعْلُومَكْ إِلنه

قَال إِلهُم ابيُوم الجُمعه
إتصِير رُوحي ابجمعه
اوياكُم أَصِير اورَسمه
بَانَت عَلِيه أَنوَارَه

ولِبسوا اثيَاب الفَرحَه
واعلَى الجِسِر أَحبَابه
ظلت طويل اتنطرَه
تِأمَل السَاع اتِشُوفَه

تَفَكِر ابَاب الحَاجه
يِمكِن يجي ابحرُاسه
اوَمفكُوك قِيدَه اورَاسه
مَرفُوع اويِنَور ابلاده

لكِن أسف
لكِن أسَف وُفَاده
شَافَت عَزِيزْ السَّاده
اجنازته مَرفُوعَه
امن ابعيد تِنظُر نَعشه

سِئلَتْ جَمِيع الأُمَه
اِلمَن هَالجَنَازه ابْلُوعَه
قَالَوا إِمَام الشِّيعه
مَات ابسُموم أُولُوعه

صِرخَت النَّاس ابفجعَه
يَا والِي لاَ تِترِكنَه
ادخِيلَك سَيدي ارجَع إِلنه
مّا نِقدَر اتفَارِقنه

ابغدَاد استوت زِلزَاله
و الدّين انهِدَمت أَركانه
رَاح الكَان مِن بُنيانه
وِالكَان إِلنَا رَحمَه

مَقدَر أَشُوفَه امدد
وابعيوني نُوره امجسد
وابكفانه صار إملحد
وتحت التُّرُب متوسِد

مأجورين يا شيعة أمير المؤمنين علي أبي طالب